Chapter Thirty Two

VENIXE

"BAKIT BIGLAAN yata ang pagpapakasal niyo, Ven?" tanong sa akin ni Angel habang pumipili ako ng damit na susuotin sa kasal namin ni Cloud.

Tatlong araw lang ang nakalipas simula noong nakita ko si Xander at Sari sa unit niya. Si Cloud na ang nag-aayos ng iba pang kailangan sa kasal namin. Civil wedding lang 'yon at sa bahay lang namin gagawin.

"Habang maliit pa ang tiyan ko," sagot ko sa tanong niya habang abala pa rin ako sa pagpili ng dress. Pinipilit kong maging malakas at matapang para sa anak ko. Lahat ng plano ko ay hindi natupad.

Una, ang pagpatay kay Balsier. Pangalawa, itong plano namin ni Xander na magsasama. Pangatlo, ang pagsurpresa ko sana kay Xander tungkol sa anak namin. Handa akong lumaban para sa relasyon namin, para sa kaniya. Pero wala pala akong dapat ipaglaban dahil umpisa pa lang ay wala palang totoo sa pinakita niya at sinabi. Isa siyang manloloko. And I hate