Chapter 15 BIPR

AMBER POV

"MISS AGUSTIN, pinapasabi po ni Mr. San Diego na umuwi na raw po muna kayo."

Nag-angat ako ng mukha mula sa pagkakayupyop ko sa mga tuhod ko. Kanina pa ako tumigil sa kakaiyak pero wala akong lakas para simulan ang trabaho ko.

Hanggang ngayon nanginginig pa rin ako at nasasaktan dahil wala man lang pakialam si Zeus kahit nalaman nito ang nangyari sa akin.

Masakit para sa akin na wala na talaga itong pakialam sa akin. Matapos ko kasi itong palayuin sa akin kanina ay iniwan ako nito sa opisina na mag-isa at hanggang ngayon ay hindi pa rin ito bumabalik.

"Pinapauwi na po kayo ni Mr. San Diego. Nasa labas na po ang kotse na maghahatid sa inyo pauwi," anang babae.

"Hindi na po kailangan, kaya ko na pong umuwi na mag-isa," sagot ko. Dahan-dahan akong tumayo at saka kinuha ang bag ko.

Inalalayan ako nitong makalabas ng opisina.

"Ayos lang po kayo, Ma'am?" may pag-aalalang tanong ng babae habang hawak ang siko ko.

"Medyo nanginginig lang po ang tuhod ko, pero ayos lang po ako, sala