The Broken Vow-Chapter 45

RUTH’S POV

“A-ano ba ang nangyari, Sergeant?” Hindi ko maiwasang makaramdam ng awa kay Vance habang nakaratay sa higaan na ‘yon ang walang buhay niyang katawan. Nakita ito sa pribado niyang selda na nakahandusay at bumubula ang bibig.

“Iniimbestigahan pa namin, Ruth. Pero malakas ang kutob ko, baka hinalo sa kanyang pagkain ang lason.”

Napasinghap ako sa narinig. “Oh, Vance,” usal ko at muli siyang tiningnan.

Gusto ko rin naman siyang makitang magbayad ng mga kasalanan niya sa akin pati sa lipunan pero hindi sa ganitong paraan.

“Nga pala, ayon sa abogado niya, wala nang ibang pupunta dito para kunin ang katawan niya. Naisip kitang tanungin kung ano ang gagawin–”

“Ako na ang bahala sa kanya, Sergeant.” Tumango naman sa akin si Sarhento.

May utang na loob din naman ako sa kanya kahit papaano kaya gusto kong bayaran iyon sa paraang ito. Gusto ko siyang bigyan nang maayos na libing.

“Sige, Ruth. Maiwan muna kita rito.”

Nakailang hakbang na si Sergeant nang may naalala.

“Um, Ruth