Chapter 14: Alone

AYEISHA

-

“BITAWAN MO NGA ako, King! Baka may makakita sa atin dito.”

“Ayoko,” giit niya sabay dikit lalo ng katawan niya sa akin.

“K-King,” ani ko at iniwas ang mukha ko sa kan’ya. “M-Mali ito, okay? May asawa’t anak ka na, kaya maling-mali.”

“Kailan naging mali ang magkagusto sa ‘yo, Asha? Kakaiba ka, okay?”

“Kakaiba dahil sa pagmumukha ko, gano’n ba ‘yon?”

“No,” mabilis na sagot niya. “Na sa ‘yo ang hinahanap ko, Asha, napakaresponsable pagdating sa pamilya. At nakita ko iyon, kaya paano ko mapipigilan ang aking sarili na hindi ka gustuhin? Ramdam ko rin na may pagtingin ka sa akin, hindi ako manhid.”

“P-pero may asawa ka nga. Kasal ka.”

Napabuntonghininga siya. “M-matagal na kaming walang komunikasyon, Asha. Matagal nang wala. Okay?”

“Paano kung bumalik siya, King? Paano ako kung sakali? Ayoko magdesisyon nang padalos-dalos. Sa totoo lang, hindi ako p’wedeng ma-inlove kahit kanino sa estado ko ngayon.”

Ayoko, ‘yon lang. Dahil napakahina ko pagdating dito. Tingnan mo ang nagyari