SPECIAL EDITION 2 – VIA & SEAN

Sumasakit ang ulo gayundin ang kaliwang bahagi ng kaniyang tiyan nang bumangon si Sean sa kama. Nakarinig siya ng ungol sa kanang bahagi niya kaya napalingon siya sa kinaroroonan nito. Napatingin siya sa lalaking nakaupo sa sofa at may hawak na magasin sa kandungan niya.

“Mas mabuting humiga ka muna bago pumasok ang doktor at makita ka sa ganiyang posisyon,” payo ng lalaki bago ibinalik ang atensyon sa magasin.

Napahinga ng malalim si Sean at sinubukang bumangon sa higaan habang tinitiis ang sakit sa kaniyang tiyan.

Bumuntong hininga naman ang lalaki na nakaupo sa sofa na agad na ikinalukot ng mukha ni Sean sa inis.

“Sinabi ko sa iyo na humiga ka muna sobrang tigas naman ng ulo mo,” sabi muli ng lalaki at umiling.

“Puwede ka nang umuwi pagkatapos mong kausapin ang mga pulis,” sabi ni Sean habang umungol sa sakit at bumibigat ang paghinga, nahihirapan siyang tumayo dahl hanggang ngayon ang katawan niya ang nanginginig.

Isang mahabang buntong-hininga ang pinakawalan ng lalaking may h