Chapter 8

"ANONG pinag-usapan ninyo ni André?" tanong kaagad ni Jane nang nakarating ako sa opisina, Iunes ng umaga.

Patuloy ang paglalakad ko patungo sa aking mesa. Halos tumatakbo na siya dahil sa tulin ng paglalakad ko at sa kagustuhan niyang malaman ang nangyari.

"Business ang pinag-usapan namin, Jane," sagot ko.

"Sus! Alam ko na 'yan!" Humalukipkip siya at dinungaw ako sa aking mesa.

Binuhay ko ang computer bago ako bumaling sa kay Jane na nangingiti parin ngayon.

"Alam mo na pala, bakit ka pa nagtatanong?"

Hindi doon nagtatapos ang mga tanong niya sa akin. Kaya kahit si Trina tuloy ay nakakapagtanong kung nag level up na ba kami ni André. I can't believe my friends. Imbes na pagsabihan nila ako na mali ang ginagawa ko ay parang sinusuportahan pa nila ako.

Palabas na ako sa clinic. Nagpacheck na ako sa 0B tulad ng gustong mangyari ni André. Magsisimula na rin ako sa pill dahil may period ako sa araw na iyon. Hinahanap ko ang susi ng aking kotse nang tumunog ang cellphone ko sa isang tawag.