Chapter 51

GINANAP ang launching ng Tristan Towers sa building ng mga Coleman kung saan ako nagtatrabaho noon bago ako umalis patungong America.

Sinuot ko ang dark blue na long gown at pormal ang make up at ang aking buhok. I came here to meet some suppliers. Lalo na sa isang offer sa akin na idisenyo ang unit ng isang rockstar na si Alfredo Sanchez. Nagdagsaan din ang emails patungkol sa aking mga design. Dumadami ang aking trabaho. Ipinangako ko pa namang magpapahinga ako pagkatapos ng lahat ng ito.

"This is Mrs. Quisumbing."

Naglahad ako ng kamay sa may-ari ng pinaka malaking kompanya ng mga sofa beds sa buong Pilipinas. Mabuti na lang at ang mga professor ko noong college ay aktibo parin sa mundo ng pagdidisenyo.

'Mrs. Quisumbing, this is Gwendolyn Merculio Siya ang designer ng units sa buong Tristan Towers..."

Pumormal ang nasa mga late-40s na si Mrs. Quisumbing. Tiningnan niya ako mula ulo hanggang paa bago kinongratulate sa trabaho.

"I heard you're a great designer. Daddy mo ba si Leonci