20

May kung anong ingay na umaalingawngaw sa kanyang tainga at ginigising ang diwa niya. Sa paanan ng kama nagmumula ang ingay sa pakiwari niya. Binuksan niya ang namimigat na mga talukap. Inut-inot siyang bumangon at sinundan ang nakabubulahaw na tunog. Saka lang luminaw sa kanya kung ano iyon, tunog ng telepono na nasa loob mismo ng kanyang sling bag na nkahandusay lang sa sahig. Inabot niya iyon at dinukot sa loob ang maingay na aparatu. Si Mommy Audrey o ‘di naman kaya ay si Tatay Ramon ang karaniwan niyang caller. Pinindot niya ang answer button nang hindi pinagkaabalahang alaimin kung sino sa dalawa ang tumawag.

“Hello,” napapagod niyang sagot na muling nahiga nang patihaya sa kama at pumikit. Halos mahulog na sa edge ng higaan ang ulo niya. Ang buhok ay hinayaan niyang lumaylay lang sa ere.

“Oh, my God! Mere, finally, sumagot ka rin!”

Si Mommy Audrey ang nasa kabilang linya. Nanginginig ang boses nito at tila takot na takot. Dahilan para humulas ang anumang natitirang antok sa k