Kabanata 0002

Sa kabilang palad, ang stepmother ni Cordy, si Sue Yorkman, ay nakita na ayaw magsalita ni Cordy. Mabilis na sinabi ni Sue kay Simon, “Simon, bata pa si Cordy. May mas maraming mahalagang bagay pa na dapat pag usapan.”

Hindi na nag aksaya ng boses si Simon kay Cordy at agad niyang sinabi, “Alam mo na siguro ngayon, pero si Noel ang mahal talaga ni Kyle, at nagkataon na naabala ang kasal. Kaya ibigay mo ang basbas mo sa kanila at iannounce mo ang annulment ng engagement mo kay Kyle.”

Tumawa si Cordy kahit na galit siya at tinanong niya si Simon, “Bakit?”

“Dahil mahal nila ang isa’t isa,” Sinabi ni Simon ng may pananalig. “Hinila mo na pababa ang pangalan ng pamilya natin noong nagkaroon ka ng anak habang hindi pa kasal! Alam ng lahat ng nasa North City ang tungkol dito, at sa tingin mo ba talaga na ang mga Jessop ay tatanggapin ang isang babae na may ganitong nakaraan? Binibigyan ka nila ng paraan para makalaya, kaya tanggapin mo ito!”

Ang nakaraan ni Cordy ay nangyari noong labing walong taong gulang sya.

Inuto ni Noel si Cordy na magpakita sa bar, kung saan pinainom siya ng gamot at gumising siya kasama ang isang lalaki na hindi niya kilala.

Sa sobrang balisa niya ay hindi man lang siya tumingin sa lalaki bago siya tumakbo, at bata pa siya para maintindihan ang tungkol sa contraceptives. Limang buwan na siyang buntis bago niya nalaman ang nangyayari, at nagpadala si Noel ng paparazzi kay Cordy noong sinubukan niyang mag pa abortion dahil sa sakit na nararamdaman niya.

Ito ang rason kung bakit si Cordy ay naging isang malaking katatawanan sa North City.

Lumala ang lahat noong sinabi ng doctor na hindi dapat siya magpa abort dahil sa kalusugan niya, at ito ang rason kung bakit isinilang niya ang bata. Sa huli, tinanggap niya na ito, ngunit namatay ang bata pagkasilang nito… Sa kanyang lungkot, noong kinakailangan niya ng suporta mula sa iba, pinadala siya ni Simon sa ibang bansa, naiwan siya ng mag isa ng wala man lang tumawag sa kanya ng pitong taon.

Hindi man lang siya kinamusta ni Simon kahit na muntik na siyang mamatay. At ngayon, sinasabi ni Simon na sumuko si Cordy kay Kyle para sa mahal niyang si Noel?!

Paano nagawang sabihin ng isang tatay ang ganitong bagay, para buksan ang mga dating sugat niya at lumabas ang dugo?

“Mukhang nasa pamilya na ang pagiging isang mistress,” Ang sinabi ni Cordy ng nakangisi. “Hinila ko pababa ang pangalan ng pamilya? Ginawa niyo na ito noong nagpakasal kayo sa mistress niyo habang buhay pa ang katawan ng nanay ko, at ang anak niyo sa kanya ay kalahating taon na mas bata sa akin. Walang ibang kukuha ng trono ng kawalang hiyaan sa lungsod na ito ngayon at nandito kayo!”

“Cordy…”

Galit na galit si Simon, habang si Noel at Sue ay napahiya sa mga insulto.

Dahil wala siya sa mood para magpatuloy sa pakikipagtalo sa kanyang pamilya, galit na sinabi ni Cordy, “Kung ayaw talaga akong tanggapin ng mga Jessop, si Kyle mismo ang magsabi sa akin! Wala kayong rason para pumunta dito, kaya umalis na kayo bago ako tumawag ng mga pulis! Ano pa ba ang dapat kong ikahiya, hindi ba?”

Alam ni Simon na mahina sa labas si Cordy tulad ng nanay nito. Ang pagiging matigas ang ulo niya ay nakaukit na sa buto niya, at kapag ginalit talaga nila si Cordy, walang makakapigil sa kanya!

“‘Wag mo akong pilitin na ipadala ka ulit sa ibang bansa, Cordy Sachs!” Ang galit na sinabi ni Simon bago siya tumalikod, umalis siya kasama ni Noel at Sue na sumusunod sa kanya.

Gayunpaman, suminghal si Cordy sa pananakot ni Simon—sa tingin niya ba talaga ay si Cordy ay tulad ng dati noong nakaraang pitong taon, hahayaan si Simon na gawin ang kahit anong gusto niya?

Hindi hahayaan ni Cordy na apakan siya ng ibang tao simula ngayon!

“Mommy?”

Tumunog ang isang maliit na boses at bumalik sa sarili si Cordy…