Chapter 17

17

Lumipas ang isang linggo nang pagtatrabaho ko sa Valiente at masasabi kong nasasanay na rin ako. Nakakaipon na rin ako sa mga tip na ibinibigay sa akin, ang alam ko kada dalawang linggo ang pasahod nila sa mga waitress doon.

Isang linggo ko na ring hindi nakikita si Lucian at ikinapanatag naman iyon ng loob ko. Halos araw araw namang tumatawag sila Annika, si Ate Cynthia naman ay ganun pa rin kung ano anong parinig ang sinasabi. Si Marco ay halos araw araw ring tumatawag sa akin.

"Lyrica, sa table 17 ito." Agad ko namang kinuha kay Emir ang order ng costumer. Mas nakakakilos ako ng maayos ngayon dahil ang uniporme namin ngayon ay highwaist na soft denim short, kulay puti iyon at mayroon din kaming suot ngayon na stockings na parang net. Sa pang itaas ko naman ay nakasuot ako ng croptop na short sleeve, kulay itim iyon at may nakasulat lamang na Valiente sa gitna. Mabuti na lamang din at hindi na nasakit ang nga binti ko sa pagsusuot ng heels, hindi na rin ako nagkakapaltos.

"Good e