Chapter 11

KASALUKUYAN nakaupo si Margaux sa four setters dinning table. Maaga siya nagising para ipaghanda ng almusal si Cm at inasikaso niya rin ang iba pang kailangan gawin niya na multi task dito sa bahay bago siya pumasok ng opisina. Habang hindi pa nakabalik ang helper niya.

Nasa harap ni Margaux, ang isang tasa ng kape na umuusok pa, hawak niya ang kanyang passbook at Atm. Malalim na buntong-hininga ang pinakawalan niya atsaka nilapag sa ibabaw ng mesa ang passbook. Ilang beses niya tiningnan ang laman ng passbook niya. Hindi pa rin sapat ang naiipon niyang pera at malaking halaga pa ang kailangan niya para malikom ang insaktong kabuuan ng pera para sa operasyon ni Cm.

Naihilamos ni Margaux ang mukha gamit ang kanyang palad, ng maalala niya ang sinabi ng doctor ng huli sila nagkakausap nito. Tila katulad iyon sa sirang plaka na paulit-ulit sa kanyang pandinig. Sumasakit na rin ang kanyang ulo sa kakaisip sa mga problema niya.

Hindi namalayan ni Margaux na kusang namilisbis ang kanyang mga