CHAPTER 19

HOMBRES ROMANTICOS SERIES 3:

UNINTENTIONAL

Matthieus Morris Monférrer

Kabanata 19

“BATAY SA DATOS na ibinigay sa akin ni Attorney Bardalez, nasa beintikuwatro ang bilang ng mga hornalero ang tuluyan nang pahihintuin sa pagtatrabaho sa plantasyon sa katapusan ng susunod na b’wan.”

Tumabang ang desire ni Anne na kuhanan ng litrato ang mga manggagawa na nakaya niyang tanawin mula sa malaking bintana. Halos padarag niyang naibaba ang hawak na DSLR camera nang marinig ang pormal na anunsyo ni Matthieus sa mga labor leader ng tobacco plantation na pinulong nito.

Umuusad na ang informal meeting sa ikalawang palapag ng manufacturing building na nagsisilbing malawak na opisina nang dumating si Anne. Karaniwang si Donya Coloma ang namamalagi sa opisina na iyon mula nang humalili ito kay Don Matteo sa pamamalakad ng plantasyon at hacienda matapos ang hiwalayan ng mga ito.

At ng