CHAPTER 16: The Kiss 💋

Kasal ni Reymund at Ana. Imbitado si Kim sa kasal. Habang nasa simbahan ay panay ang selfie niya hanggang nagsimula na ang procession. Napatitig siya kay Marc nang maglakad ito bilang best man ni Reymund kasama si Darwin at Dexter. Napaka gwapo ng boss niya sa suot na gray tuxedo. Hindi niya natiis na picturan ito habang naglalakad.

Vinideohan niya si Suzet habang naglalakad bilang maid of honor ni Ana. Nang maglakad si Ana suot ang wedding gown ay pakiramdam niya ay nainggit siya bigla. Pangarap din nya noon ang magsuot ng wedding gown habang ikinakasal sa lalakeng mahal niya pero mula ng dumating si Dj sa buhay niya ay nagbago na ang lahat. Kuntento na siya sa anak kaya wala na siya planong mag asawa pa. Tingin niya ay wala naman din lalakeng magseseryoso sa kagaya niyang naanakan na ng iba. Bumigat ang pakiramdam niya kaya inalis na niya yun sa isip niya.

"Sabay tayo kay Dexter!" Hinila ni Kim si Leslie. Nakita nila si Dexter na parang may hinihintay sa kotse nito. Napangiti ito ng