Chapter 16

TANGHALI na umalis ng bahay si Dimitri at saka lamang nakalabas si Kira upang puntahan si Manang Sonia. Doon siya nananghalian sa villa. After lunch pa naman darating ang tutor niya kaya may oras pa siyang maglaro ng card. Paborito nilang laruin iyon ni Sonia.

“Uwi ka na, Kira. Baka dumating na si Teacher Ally,” sabi ni Manang Sonia.

Ayaw na siya nitong palaruin ng card. “Isang game pa, Manang,” hirit niya.

“Tama na. Tayo na riyan at ihatid kita sa bahay n’yo.”

Padabog naman siyang tumayo at sumunod na lamang sa ginang. Pero bago umalis ay namitas pa siya ng hinog na bunga ng bayabas. Hinatid lang siya ni Sonia sa may gate ng bahay ni Dimitri. Tamang-tama lang ang uwi niya at dumating si Teacher Ally na hinatid ng guwardiya.

“Dalawang oras lang ang tutorial natin ngayon, Kira, and please stop playing,” sabi ng guro.

“Wait lang po, Teacher. Anuhin ko lang itong bayabas para may meryenda tayo,” aniya. Tumakbo siya papasok ng bahay bitbit ang supot ng bayabas.

Maniba lang ang iban