Chapter 16

Sa terrace tumambay si Aria bitbit ang laptop. Maghahanap siya ng mga work from home, at pati na rin trabaho na malapit lang dito sa bahay ng mga lola niya. She has to make a living. Ang tanong ay kung tatanggap ang mga ito ng buntis. She doesn't have much time. Three months at the most ang sabi ng kaniyang doktor. Dapat around that time ay relax na siya sa bahay. Sino naman ang maghahire ng empleyado na pang-tatlong buwan lang?

"Tao po!"

Nakatalikod si Aria sa karsada kaya hindi niya kita kung sino ang dumating. Nang lumingon siya ay isang matangkad na lalaki ang naroon. Nakasuot ito ng pantalon na maong at t-shirt na puti. Isang leather na flip flops ang suot sa paa. His hair is short at lean ang pangangatawan nito.

"Yane?" kunot noong sambit nito ng pangalan. "Is that you?"

"My name is Ariadne— not Yane. Do I know you?" Tumayo siya at lumapit dito.

Tumawa ang lalaki. "Ganoon na ba ako ka-gwapo at hindi mo ako makilala?" Napangiwi si Aria. "Ben."

Nanlaki ang mga mata niya.