Chapter 12

HINDI nakatiis si Liza. Bago pa siya makita ni Lola Lucy at makilala ay nakaisip na siya ng paraan. Nakiusap siya sa waiter na ito muna ang mag-assist sa matatandang costumer. Idinahilan niya na masakit ang kaniyang tiyan. Pumayag naman ito.

Tumakbo siya sa banyo at doon muna tumambay. Hindi niya alam kung hanggang anong oras ang matatanda sa restaurant. Ang babagal pa namang kumain ng mga ito. Hinahanap na siya ni Rita, at talagang pinuntahan siya roon sa banyo at kinatok ang pinto.

“Liza! Ano ba ang nangyayari sa ‘yo? Ang daming costumer!”

“Masakit po ang tiyan ko!” drama niya. Kunwari siyang dumaing.

“Hay! Nag-almusal ka ba?” mamaya ay tanong nito.

“Nagkape lang po ako.”

“Anak ka talaga ng pating oo. Lumabas ka na riyan at pumuntang clinic. Humingi ka ng gamot doon.”

“Sige po.”

Nang makaalis si Rita ay saka lamang siya lumabas. Kailangan na talaga niyang makakain nang maayos. Nagtungo naman siya sa clinic at humingi ng gamot para sa sakit ng tiyan. Pero hindi niya ito iinumin. Pagk