Chapter 16 The part ways.

NAKALIGTAS ang mga driver, ang matandang butler at ang ilan pang mga tauhan ng mansyon. Ang iba ay naghihingalo at ang iba ay sugatan naman. Marami-rami ang nasawi at dahil doon ay dalawang araw nang mainit ang ulo ni Lestre. Wala rin itong pahinga marahil at ilang araw na nitong inaayos ang lahat upang magbalik na sa normal ang mansyon dahil sa rami na rin ng naging sira.

Sabi naman ni Juris sa kanya noong mag-usap sila matapos ng engkuwentro ay nangyari na rin daw ang ganoong klase ng kaguluhan noon.

"Bakit mo pala kilala si Durango?" tanong nito sa kanya.

"Kasi beks, siya 'yung gustong umampon sa akin noon sa bahay ampunan. Natakot ako sa kanya kaya tumakas ako, dahil sa takot ko. Noon pa man, hindi ko na gusto ang pakiramdam ko sa matanda na 'yon eh." Nakita niya ang pagkagulat na bumalatay bigla sa mukha ni Juris ngunit hindi niya iyon binigyan ng pansin.

"Beks, sabihin mo nga . . ., Sa Marry God Child Orphanage ka ba nanggaling na ampunan?" tanong nito sa kanya bigla. Siya naman