Chapter 21

ISA

TAIMTIM akong nagdadasal habang nasa loob ng chapel ng hospital. Kasalukuyang nasa operation room ang anak kong si Heart. Ngayon na siya ooperahan para sa kaniyang bone marrow transplant.

Hindi ako mapakali. Nahihirapan akong huminga sa takot na baka masamang balita ang makuha namin sa paglabas ng doctor. Kaya umalis ako at dito nagtungo.

"Diyos naming maawain, iligtas n'yo po ang anak ko. Napakabait niyang bata, pero puro paghihirap ang mga dinadanas niya. Please, let my daughter live, oh, God. Gagawin ko po ang lahat, upang maayos na itong problema sa aming pamilya."

Suno-sunod sa pagtulo ang mga luha ko. Alam kong malalagpasan ni Heart ito. My daughter is strong, and I believe in her. Karapatan niyang sumaya. Karapatan ng anak kong makatikim ng ginhawa.

Mahigit kalahating oras akong nakaluhod habang nagdadasal. Natigilan lang ako nang marinig ang humahangos na boses ni Alicia sa bungad ng pintuan ng chapel.

"Isa!"

Hindi ako agad nakapagsalita nang humarap sa kaniya. Hinihintay