CHAPTER 5

Tila naman may sariling isip ang mga kamay ni Angelo dahil nagpatuloy lamang ito sa pag-strum ng gitara at tuloy sinabayan pa ng malamig n'yang tinig ang musikang nililikha niya. Napanganga naman sa paghanga ang mga babaeng nasa harapan ng gwapong binata na sa kasalukuyan ay kumakanta. Gayundin si Athena na hindi makapaniwala sa ganda at lamig ng tinig ng binata. Habang sa isang tabi ay masasamang tingin naman ang ipinupukol ni Andrei kay Angelo.

'Di ko alam hanggang kaylan tayo… 'di ko mabago ang ikot ng Mundo.. pero sama ka sa aking byahe, atin lamang ang araw na itooo…'

Tuloy ang pagkanta at pagtugtog ni Angelo habang nakatingin kay Athena. Mas namula naman ang natural at makinis na pisngi ng dalaga sa ginagawang pagtitig sa kanya ng binata. Si Athena na lamang ang umiwas ng tingin dahil nararamdaman na naman niya ang mga paru-parong wari mo'y nagrarambulan sa loob ng kanyang tiyan.

Hanggang natapos ang awit na iyon ni Angelo ay kinikilig pa rin ang ibang kababaihan. Si Athe