Chapter 13 - Mga Responsibilidad

Chapter 13

"NAY, tumawag ako kay Lexi kanina para kumustahin sila ni Lexus," imporma ni Heart sa ina niya habang naglalakad sila sa pasilyo.

Papalabas na siya at ihahatid daw siya Lumeng sa sakayan. Pinilit niyang patatagin ang sarili at huwag pakita ng kahinaan sa Tatay niya. Gusto niya ay maayos yun sa operasyon.

Natutuwa siya dahil sabi noong una, sa ospital sa Legazpi, dapat ay operahan daw kinabukasan ang Tatay niya, pero nagbago naman dahil wala nga silang pera. Nakaabot pa si Conrad sa Maynila.

"Anong sabi ni Lexi, anak? Maayos naman ba sila? Nag-iwan naman ako ng pera dun. Sabi ko ay papagkasyahin na lang nila na muna. Kumusta raw sila?" Tanong ng ina sa dalaga. Magkayakap sila ng mga braso nila habang naglalakad.

"Hindi raw pumasok si Lexus, Nay. Titigil na raw sa pag-aaral."

"Diyos ko! Sira ulo ba siya?" Galit na tanong nito at napatigil pa sa paghakbang kaya inakay niya.

"Naiinis din nga ako dahil nangunguna pa siya sa desisyon ko."

"Mas lalong aatakihin ang Tatay niyo sa g