Chapter 97

"San si Daddy? Nagpagamot na daw ba siya?" Tanong ko kay Meriam na naabutan ko sa sala.

"Ewan!"

"Kahit kailan ka talaga." Inis kong sabi sa kaniya.

Agad akong bumalik sa taas para silipin siya. Bago ko madaanan ang opisina niya, nadaanan ko muna ang kwarto nila Ate Shane at Kuya Jan. Nakita kong nakabukas ito kaya sisilip sana ako.

" Walang nangyari sa amin! Bakit ba hindi ka maniwala sa akin. Ako ang asawa mo!" Paliwanag ni kuya Jan kay ate Shane.

Nakaupo si kuya sa dulo ng kama habang may kinukuhang gamit sa kabinet si ate Shane.

"Hindi ako tanga. Alam ko ang nakita ko. Wag mo ng dagdagan ang kasinungalingan mo." Binato pa ni ate ang mga damit na nakuha niya sa nakabukas na maleta sa sahig.

Nagsisigawan silang dalawa kaya hinanap ng mata ko ang bata. Umiiyak ang bata na nasa krib. Hindi na ako nakapigil dahil mukhang wala silang balak asikasuhin ang batang umiiyak sa tabi nila.

Ni-hindi nga nilang napansin na buhat ko na ang bata.

" Hindi ko alam ang nangyayari. Ayoko din m