Chapter Seven

"Saglit lang po. Ano po ang ibig n'yong sabihin, Tito?" Maagap na pagitna ni Antonette sa tiyuhin ng asawa.

Labis-labis ang pagtataka niya dahil bukod sa bigla itong sumulpot ay galit na galit pa. Idagdag pa ang init ng ulo nito patunay lamang na malakas ang boses o mas tamang sabihing sinisigawan nito ang mahal niyang asawa. Kaso bago pa ito nakasagot ay nagtanong din ang biyanan niyang matanda na kapwa ring nagtataka.

"Oo nga naman, anak. Wala namang problema kung gusto mong pumarito kahit ano mang oras dahil bahay naman natin ito. Kaso aba'y mukhang gusto mo ng takutin ang mga pamangkin mo ah," anito.

Wari'y natauhan ito dahil unti-unting nanumbalik ang tunay na ekspresyon ng mukha. Hindi rin nagtagal ay maaring nahamig ang sarili kaya't sa wakas ay sumagot din.

"I'm sorry, Mommy, if I acted this way. Pero kung malaman n'yong nagtanan ang dalawa ay baka---"

SA unang pagkakataon ay nagawang namutol ni Antonette sa pananalita ng biyanan o ang tiyuhin ng asawa niya. Dahil sa tinuran n