Kabanata 13

"Struggle pa rin sa akin ang pagsusulat ng nobela. I'm more on poetry."

Nasa parihabang lamesa sila ngayon at kasalukuyang nagku-kuwentuhan tungkol sa pagsusulat. Malapit nang maubos ang mga inorder ni Scherine na pagkain kasabay naman ng pagkaubos ng mga alak nila na kanina'y hindi mabilang kung ilan.

"Pero nagsusulat ka naman ng kuwento, 'di ba?" tanong naman ni Rina kay Rhea.

"Oo, nahihirapan nga lang. Pero nagagawa ko naman nang maayos. May mga readers ako kaya mas lalo akong namo-motivate to learn more."

"Habang nagsusulat naman tayo ay natututo tayo," segunda ni Kris. "Let's cherish this juncture of our life kasi darating ang panahon na susukuan na tayo ng passion natin. See, ang dami nang tumigil."

"Mali." Biglang nagsalita si Yamirah. "Our passion won't give up on us. It is us who give up on the things we love so much when we found another kind of happiness. On that moment we had lost nothing after all. We're happy, and that's the main purpose of living." Tumungga ito sa hawak