Chapter 50

"Mon," rinig kong tawag ni Josefa kaya napaharap kami sa kanya. "Hinahanap ka na ni Doktor Fuentes. Ikaw rin po, Señor Agustino," dagdag niya kaya sumunod na kami ni Agustino pero bago pa man kami makapasok sa pinto ng bahay ay hinila ko si Josefa palabas habang dire-diretso lang si Agustino sa pagpasok na para bang sarili niya itong pamamahay.

Nakasindi na rin ang mga lampara kaya maliwanag na sa loob ng bahay though medyo maliwanag pa sa labas.

"Bakit, Mon?" tanong ni Josefa nang makababa kami sa hagdan ng bahay.

"Kahapon... sinabi mo kasing hindi dapat ako hawakan ni Agustino. Bakit?" mahinang tanong ko habang nakakunot ang noo. Napalunok siya at umiling. Mukhang kinakabahan siya at hindi rin makatingin sa ‘kin nang diretso. "Josefa," sambit ko.

"Kasi... alam ko nang ikaw si Binibining Liwanag," nahihiyang sabi niya dahilan para maistatwa ako sa kinatatayuan ko.

Expected ko nang ito ang magiging sagot niya pero umaasa pa rin akong w