Chapter 25

"Sky! Si Lola!"

Nagulat ako dahil biglaang pagsigaw ng pinsan ko. Pagpunta ko sa silid ni Lola, hawak na ni Lola ang dibdib niya at nahihirapang huminga.

"Anong nangyari, Lot." Bagamat kinakabahan ay pinilit ko ang sariling kumalma. "La, kumalma ka muna ha? Punta tayong ospital." Hindi ito sumagot pero maliit na tumango sa akin.

Tinulungan ko si Lotlot na alalayan si Lola palabas. Mabuti na lang din at may tricycle na nakatambay sa labas mabilis kaming nakaalis.

Hindi lang ito unang beses nangyari sa linggong ito. Martes pa lang pabalik balik na kami sa ospital. Byernes pa lang ngayon pero babalik na naman kami ulit. Nangyari, ito simula nung dumating ang survey team ng taga kapitolyo para sa road widening na gagawin. Alam kong dinamdam ni Lola ang mga nangyayari kahit hindi nita ito sabihin sa amin.

Mapapaalis daw kasi kami kapag natuloy ang project. Malaking porsyento ng lote namin ang makukuha kapag nagsimula na. Hindi ako maalam pagdating sa mga road right of way pero sabi ng