Chapter 59

Pinuntahan ni Maggie si Jerrick sa coffeeshop. May suot na sunglasses ang dalaga para hindi mahalata ng mga nakakakilala sa kanya.

Umupo ang dalaga sa may gilid na mesa at hinintay ang binata.

"Nariyan ba ang boss ninyo?" tanong ni Maggie sa katiwalang babae.

"Opo. Bakit ninyo hinahanap ang boss namin?" tanong ni Wendy na napapataas ng kilay.

"Just tell him na narito ako, si Ms. Maggie."

Hindi umalis si Wendy sa kinatatayuan niya at mataray na pinagmasdan lamang si Maggie. Si Dino naman ay agad nakilala ang dalaga at dali - daling umakyat sa taas para tawagin ang boss. Nang malaman ni Jerick na nasa baba ang idol niya ay agad itong bumaba.

"Ano pa ang tinatayo - tayo mo ryan, call your boss!" utos ni Maggie na unti - unting naiirita sa katiwala.

"Sino po pala kayo?"

Napatayo si Maggie at hinaharap si Wendy. "You don't know me?"

"Idol!" tawag ni Jerick na papalapit sa kinaroroonan ng dalawa.

Napalingon ang dalawa sa binatang paparating. Nakasunod naman si Dino sa boss na agad hinila