Kabanata 22

Corvus’ POV

Ngayon ang unang araw ko bilang gym instructor ni Nacho. Ang bagong trabaho na binigay sa akin nila Miss Helena at Miss Alina. Mahirap, pero para kay Miss Alina, gagawin ko.

Pawisan at halos tagaktak na ang pawis ni Nacho. Wala kami sa gym na pinagtatrabahuhan ko. Nandito kami ngayon sa sarili niyang gym—dito sa isang rest house niya malapit sa beach. Malapit lang naman ito sa bahay ko, isang oras at kalahati lang ang biyahe kaya ayos lang sa akin. Mabuti na lang din at may motor ako. Dito sa resthouse niya, wala siyang ibang kasama. Kung mayroon man, iilang staff lang na mag-a-assist sa kaniya. Nagkakaroon lang ng mga tao dito kapag pupunta siya, iyon ang sabi niya sa akin kanina.

May kalahating oras ko na siyang tinuturuan sa mga dapat niyang gawin. Gusto ko nga sanang imali ang pagtuturo sa kaniya, kaya lang baka masira ako, mayaman pa naman na tao ito kaya ginawa ko pa rin ang trabaho ko. Mahirap na, baka kung ano pang gawin ng lokong ito sa akin. Iba pa rin kasi kapag