Chapter 14

"Sino ang kasama mo kagabi, huh? Sino ba 'yon na lalaki na kasama mo? Magkasama kayong sumakay sa isang mamahalin na sasakyan. Sino ba 'yon, huh?" mabilis na tanong ni Gretta kay Andrea pagkalapit nito sa kanya. Kinabahan kaagad si Andrea sa mga tanong na 'yon ng kaibigan niya na si Gretta. Naalala niya bigla ang nangyari kagabi kung saan nagkita sila ni Martin at kumain ng dinner sa isang restaurant upang magkaroon ng kasunduan. Hindi muna siya sumagot kay Gretta kaya nagtanong muli ito sa kanya.

"Bakit hindi ka makapagsalita, huh? Ikaw ba 'yon na nakita namin kagabi na may kasamang guwapong lalaki na may mamahalin na sasakyan, huh? Sagutin mo ako please, Andrea. Sino ba ang lalaki na 'yon kung ikaw nga ang nakita namin ng boyfriend ko na si Roman kagabi?"

Humugot muna nang malalim na buntong-hininga si Andrea bago tuluyan na sumagot sa kaibigan niya na atat na atat na marinig ang sagot niya.

"Nakita n'yo ako kagabi ni Roman na may kasamang guwapong lalaki na may mamaha