Chapter 41

Allyson's P.O.V

Gabi na nang makapunta ako sa mini house dahil eksaktong pag-alis ko ay biglang dumami ang mga naiwang papeles ni Travis na kailangan kong pirmahan. Wala akong choice kung hindi tapusin ang trabaho ko, bago ang anak ko.

Dali-dali kong binuksan ang pinto ng mini house at naabutan ko si Zia na nakaupo sa sofa habang nilalaro ang cellphone.

"Anong nangyari kay Tyrell?"

Ibinaba niya ang cellphone at bumuntong hininga bago ako tiningnan.

"Nagwawala 'yan kanina at medyi nahirapan akong patulogin siya. Mabuti na lang at nabatukan ko kaya diretso tulog siya."

Tiningnan ko siya ng masama sa kaniyang sinabi. Alam ko naman na hindi 'yon magagawa ni Zia pero seryoso na kasi ang usapan tapos bigla siyang magbibiro.

Natatawa itong humilig sa sofa kaya umupo na rin ako sa pang-isahang sofa na katapat niya