Chapter 94

CHAPTER 94

Naghahanda naman na si Vin para umalis ng kanilang bahay. Wala syang pinagsabihan na kahit sinoman sa kanyang pamilya tungkol sa balak nyang pag alis ngayon. Tanging siya, si Bella at ang mga kaibigan nya ang nakakaalam na aalis sila ngayon pero sila lamang ni Bella ang nakakaalam kung saan sila pupunta. Ayaw na nyang madamay pa ang mga kaibigan nila dahil baka ipahanap pa sila ni Mr. Sanchez pag nalaman na umalis sila.

Kaunti lamang ang dinala nyang mga gamit gaya ng ilang piraso ng damit at mahahalagang gamit na kakailanganin nila at cash na rin para hindi na sya mahirapan na magdala dahil hindi niya maaaring dalhin ang kanyang sasakyan hanggang sa pupuntahan nila ni Bella dahil baka mabilis silang mahanap nila Mr. Sanchez kapag dinala pa nya eto roon.

Ang motor na ginamit nila noong nakaraan ni Bella ay itinago nya sa bakanteng lote malapit sa kanila ang gagamitin nya ngayon. Hindi alam ng pamilya nya na may motor siyang binili dahil inilihim nya talaga eto para may mag