Chapter 07

Jayde' Pov:

Huminga ako ng malalim at tinignan ang sarili ko sa salamin. Ngayon ang gabi kung kailan ko makikilala ang mapapangasawa ko. Pinangako ni Daddy na makakabalik na ako sa normal kong buhay pagkatapos ng lahat ng ito, pero hindi pa rin ako naniniwala.

Paanong babalik ang dating buhay ko kung may asawa ako?

Nakarinig ako ng katok, "Ma'am Jayde, aalis na raw po kayo."

Kinagat ko ang ibabang labi ko at pumikit ng mariin, "Tell Dad that I'll be there in a minute."

I sighed. Tumalikod ako sa salamin at sumandal sa lamesa ng vanity ko. Paulit-ulit akong humuhogot ng malalim na hininga habang nakatitig kung saan.