Chapter 17

"Affy! Ano bang—" natigilan si sir nang bigla akong sumigaw.

"Wahhhh! Hindi ko nakita sir, huwag mo akong pagalitan. Hindi ko naman sinasadya e!" takot na takot kong sabi.

Hinawakan ako ni sir sa balikat at inalog-alog.

"Ano ka ba! Ano bang nangyayari sa 'yo ha?" tanong nito.

Natigilan naman ako. Bigla kong naitikom ang bunganga ko dahil napasulyap ako sa kamay ni sir na nakahawak sa balikat ko. Dumadampi ang mainit niyang palad sa balikat ko, at dahil nakasando lang ako'y ramdam ko ang init na nananalaytay sa kaibuturan ko.

Tumingin ako kay Sir Reyman. At nakita kong nakatitig din ito sa akin. Napakalakas nang tibok nang puso ko. Parang pabibingi ako sa sobrang ingay noon. Mamamatay na ba ako kaya parang kinakapos ako nang hininga.

"Affy... okey ka lang ba?" muling tanong ni Reyman.

Napatango-tango ako pero wala sa sarili.

"Kung okey ka, bakit parang namumula ka? Kumakain ka ba nang tama ha?"

Tumango ulit ako na parang wala sa sarili.

Hinawakan ni sir ang noo ko na lalong nagpa