Kabanata 10

Nagmamadali ako sa pagbaba. Kinakabahan din at the same time. Magkikita na rin kami ng Papa ni Hades. At kanina pa ako hindi mapakali. Ini-imagine ko na istrikto rin ang Papa niya. Kasi nga istrikto si Hades.

Sa hagdan ay natigilan ako nang matanaw ang lalaking nakatayo sa may sala. Mas lumapad ang balikat nito sa sout na tuxedo. Mas nadepina rin ang height nito sa slacks nitong sout.

Nang humarap ay napanganga ako nang mapagtanto na si Hades ito. Para siyang prinsipe na naghihintay sa kaniyang prinsesa dahil sa ayos niya. Wow! Mas lalo lang siyang makalaglag panty ngayon na bihis na bihis siya.

Napansin kong umawang ang bibig niya nang magtama ang mata namin. Nabahala tuloy ako. Bakit ganiyan siya makatingin? May dumi ba ang mukha ko?

“May problema ba, sa ano, sa mukha ko?” Binalingan ko iyong make-up artist.

Umiling siya. “Wala naman, Ma'am. Walang problema sa itsura niyo ngayon. Maganda po kayo.”

Nahiya tuloy ako sa sinabi niya. Kapag talaga may pumupuri sa akin nanlalambot ako.