CHAPTER 16

AMBER RIZALYN JOY...

Hindi madali ang maging isang ina ngunit ginagawa n'ya ang lahat para maging mabuting nanay para kay Joshua.

Halos maiyak na s'ya minsan lalo pa kapag nagkakasakit ang kan'yang anak ngunit kinakaya n'ya dahil walang ibang tutulong sa kanilang dalawa kundi ang mga sarili nila.

Nagpapasalamat pa rin s'ya na kasama nila si Jessica at si nanay Teresita na s'yang katulong n'ya sa pag-aalaga sa anak.

Nahirapan na din s'yang gumalaw para tumulong kay nanay Teresita dahil maliit pa si Joshua at aalagain pa talaga ito.

Pero gayunpaman ay ginagawa n'ya ang kan'yang makakaya para makatulong pa rin sa ginang dahil ito ang nagpapakain sa kanilang dalawa ngayon ng anak n'ya.

"Teresita lumabas kayo d'yan, nandito sila senyora Haidee at senyor Jesus, namimigay ng mga ayuda para sa lahat," sigaw ni aling Myrna mula sa labas ng kanilang bahay.

Dumungaw s'ya sa bintana para sagutin ito.

"Salamat po aling Myrna sabihan ko po si nanay," sagot n'ya rito habang karga-karga ang kan'yan