Chapter 11

__________________________

Masayang gumising si Elle, ewan niya rin pero parang ang gaan gaan ng pakiramdam niya ng umagang iyon.

Nag inat siya at iminulat ang kanyang mga mata. Nagulat siya dahil nakakaaninag na siya.

Kaya lang ay medyo malabo pa talaga. Mukhang babalik na ang paningin ko. Nakangiting bulong niya sa kanyang sarili.

May ngiti sa labi na tinungo niya ang banyo at naligo. Pagbaba niya ay napansin agad ni Nana Yuling ang kakaibang aura niya ngayong umaga.

"Mukhang maganda ang gising mo ah Elle." nakangiting bati nito sakanya.

Ngumiti siya bago sumagot.

"Mukha nga Nana, nakatulog kase ako marahil ng maayos." na may katotohanan naman, parang kumbaga namamahay siya kaya hindi siya agad nakakatulog at hirap na hirap siyang dalawin ng antok.

"Normal lang iyon, o siya kumain kana." at ipinaghanda siya nito ng makakain.

"Si Ivan ho?" Tanong niya rito. Hindi na kase siya nakatiis.

"Maagang umalis e, parang nag aapura pa nga baka may maagang meeting nanaman iyon." iiling iling n