“Huwag ka naman magalit, s’yempre nabigla ako sa sinabi mo,” pagpapakalma ni Don Rafael kay Lorena. Hindi nagsalita si Lorena nang biglang umiyak na lamang ito dahil pakiramdam niya ay sira na ang kanyang buhay kasama ng anak niyang ipinagbubuntis. “Sa totoo lang hindi ko alam kung anong klaseng tulong ang gusto mo, kaya mas maganda kung hindi ka na iiyak at kausapin mo na lang ako nang maayos,” wika ni Don Robert. “Kung sasabihin mo sa akin na panagutan ko iyang dinadala mo ay hindi----” napahinto si Don Robert nang biglang nagsalita si Lorena. “Na hindi mo kayang panagutan?” dugtong ni Lorena sa sinasabi ni Don Robert. “Alam ko na hindi mo ako kayang panagutan dahil alam kong may asawa ka. Alam ko na may iniingatan kang pangalan dahil may sarili kang kumpanya na inaalagan. Kung may alam lang ako na ibang pupuntahan na maaaring makatulong sa akin ay hindi ko na sasabihin sa iyo na nabuntis mo ako. Kung iniisip mo na gagamitin ko ang anak ko para pilitin kang panagutan ako, nagkaka
Kahit hindi alam ni Erik kung anong dahilan kung bakit siya ang sinisisi ni Aling Cecilia sa pagkamatay ni Mang Karding ay nilapitan niya si Gwen habang yakap-yakap niya ang kanyang inang patuloy na umiiyak. “Insan, humihingi ako ng pasensya sa nangyari kay Tiyo Karding. Hindi ko kagustuhan ang pagkawala niya,” buong pusong pagpapakumbaba ni Erik. “Erik, maaari ba layuan mo muna kami! At kung maaari lang huwag mong tatawagin ang anak ko na pinsan o insan dahil hindi naman talaga kayo magkadugo!” sigaw ni Aling Cecilia na patuloy pa ring umiiyak. Nagulat ang lahat sa sinabi ni Aling Cecilia lalong-lalo na si Erik na hindi na alam kung ano na ang nangyayari sa buhay niya. Mas lalong dumami ang katanungan nito sa isip at mas naging sariwa ang tanong niya na matagal na niyang hinahanapan ng sagot pero kahit anong pilit niya sa sarili ay hindi niya masagot, “Sino ba talaga ako?” “Totoo po ba ang narinig ko Tita Ceiling?” maikling tanong ni Erik. “Tita, ano po ba ang alam ninyo sa buo k
Hindi agad umalis sila Erik at Niknok sa bahay nila Mang Karding. Habang natutulog sila ay may biglang dumating na dalawang lalaki. “Attorney Rene, may bahay po doon puwede po tayong makahingi ng tubig kung nauuhaw na kayo, medyo malayo-layo na rin ang nalakad natin mula noong humiwalay po tayo sa grupo,” wika ng guide na kasama ng matandang abogado. “Salamat naman may nakita tayong bahay. Sana may tayo para may makausap tayo,” wika ni Atty. Rene na halos naliligo sa pawis dahil sa pagod at init na dulot ng araw. Sakto naman na nagising si Erik nang may marinig itong nag-uusap na papalapit sa kanila. Mabilis na ginising nito ang kasamang binatilyong natutulog na si Niknok. “Nok, gumising ka kailangang magtago tayo may tao sa labas,” pabalong na wika ni Erik habang inuuga niya ang binatilyo para mas mabilis na mabigising. Walang tanong-tanong ay agad na tumakbo si Niknok sa isang butas na dinaanan ni Erik kagabi. Sinilip muna ni Erik ang mga parating na lalaki bago nito sundan si
Upang gumaan ang nararamdaman ni Gwen ay nakipagkita ulit ito sa bestfriend niyang si Leslie at isinama sa kaniyang bahay. Dumating ni Leslie sa bahay ni Gwen ay nabalitaan nito ang pagkamatay ni Mang Karding. Nabalitaan niya rin na sobrang galit si Aling Cecilia kay Erik. Dahil doon ay nakahanap nang dahilan si Leslie upang ayain si Erik na doon muna tumuloy sa inuuwian niya upang hindi muna siya makita ni Aling Cecilia nang mabawasan ang galit ng matanda sa binata. “Maganda naman ang suggestion ko di ba Bestfriend? Anong tingin mo?” tanong ni Leslie sa kaibigang si Gwen na halatang may sariling motibo. Hindi agad nakaimik si Gwen sa gustong mangyari ng kaibigan dahil kilala ang kaibigan alam nito na gusto lang nitong masolo si Erik. Nag-iisang anak lamang si Leslie kaya lumaki ito sa luho, kahit anong gustuhin nito ay kanyang nakukuha kaya gagawa rin ito ng paraan upang makuha rin si Erik. Kahit itinatanggi at pinaglalabanan ni Gwen ang sarili na gaya ng kaibigan niyang si Lesl
Tsinita si Leslie na medyo balingkinitan ang katawan, may kaputian at makinis ang balat kaya naman marami ang humahanga dito na mga kalalakihan sa kanyang pinapasukang trabaho at kahit saang lugar man ito magtungo. Madalas ang mga lalaking humahanga sa kanya ay nagdadalawang-isip bago magtapat dahil may pagkaprangka ang ugali ng dalaga. Sasabihin niya agad na ayaw niya ang isang lalaki sa mismong oras kung kailan nagtapat ng pag-ibig o paghanga sa kanya.Sa unang tingin pa lang ng dalaga kay agad itong nahulog sa kagwapuhan at kakisigan ni Erik samahan pa ng likas na kabaitan. Gumaan ang loob ni Erik kahit paano sa mga birong ginawa sa kanya ni Leslie.Habang kumakain sila ay patuloy pa rin sa pagkukuwento ang pilyang dalaga tungkol sa kanyang mga nakaraang relasyon. Nakangiti at nakikinig lamang si Erik sa mga birong binibitawan ni Leslie. Sa maikling panahon ay mabilis na nagkakilanlan ang dalawa kaya naging kampante si Leslie na kahit anong gawin niyang biro sa binata ay hindi i
Matapos ang ligtas na pagbisita ng mag-inang Aling Cecilia at Gwen kasama ni Niknok at sa tulong ng ilang kapulisan sa libingan ni Mang Karding, agad na nagpahinga sina Aling Cecilia at Niknok sa kani-kanilang higaan samantalang nanatili si Gwen sa sala na may malalim na iniisip.“Kumusta na kaya si Erik?” maikling tanong ni Gwen sa sarili.“Hindi ko alam kung tama ba ang ginagawa ko na imbes isipin ang ama kong kamamatay lang mas iniisip ko pa ang kalagayan ng taong naging dahilan upang mawala ang ama ko, although hindi naman niya kasalanan at hindi dapat siya ang sisihin dahil wala naman talaga siyang ginawang masama,” bulong ni Gwen sa sarili habang binabalensa ang pangyayari.Maya-maya ay may narinig si Gwen na tumatawag sa kanyang pangalan. “Gwen! Gwen!” tawag mula sa boses ng isang lalaki. Mabilis na binuksan ng dalaga ang pinto upang silipin kung sino ang tumatawag sa kanya.Dahil hindi naman kalayuan ang bahay ni Leslie sa bahay ni Gwen ay mabilis na natandaan ni Erik ang da
Nakauwi na sina Aling Cecilia at Gwen sa bahay ng dalaga ngunit halos hindi pa rin sila nag-uusap dahil naramdaman ng ina na parang mas pinipili ng anak niya si Erik kaysa sa kanya.“Alam mo anak, mas maganda siguro kung uuwi muna ako sa probinsya, doon muna ako sa bahay ng kapatid ko at mas ligtas ako doon kaysa dito sa bahay mo na nasa gitna ng siyudad kung saan napakarami ng tao na nakapalibot. Hindi natin alam baka isa sila sa mga pumatay sa ama mo,” ani Aling Cecilia na hinahanda ang mga gamit para ilagay sa maleta.“Ina, alam ko kung bakit mo ito ginagawa, mas iniisip mo na mas mahalaga sa akin si Erik kaysa sa iyo. Wala naman kaming relasyon ni Erik kaya imposible ang iniisip mo na mas pipiliin ko siya kaysa sa iyo. Hindi makatarungan na pagpiliin po ninyo ako sa inyong dalawa dahil wala naman pong ibang pagpipilian kundi kayo,” usal naman ni Gwen.“Kaya nga hindi mo ako sinusunod dahil hindi mo kayang pumili sa aming dalawa? Ganoon na ba si Erik sa iyo na halos magkasinghalaga
Nagulat si Claire sa pagbalik agad ni Nathan kaya hindi agad nakasagot. “Wala ‘yon pre, binibiro niya lang ako, sinabihan ko kasing kursunada ko ang isa niyang barkada. Sabi ba naman ni Claire na boobs lang daw ang gusto ko doon kaya sinabihan niya akong manyakis,” palusot ni Gilbert upang hindi sila mahalata ni Nathan sa kanilang totoong pinag-uusapan.“Ganoon na nga Hon,” pagsang-ayon ni Claire sa palusot na naisip ni Gilbert. “Bakit ka pala bumalik agad? Akala ko ba maliligo ka muna?” tanong ni Claire upang maiba ang usapan.“Nagbago na isip ko, balak ko sana kanina ayain si Gilbert para uminom man lang kaya lang naisip ko may lakad pala ako mamaya dahil pinapatawag ako ni Donya Margareth sa mansyon nila. Kaya naisip ko na mamaya na lang muna ako maliligo,” paliwanag ni Nathan sa pagbabagong isip.“Buti na lang Pre may meeting kayo ni Donya Margareth kasi kahit ayain mo ako mamaya ay hindi kita mapagbibigyan dahil may kikitain akong magandang babae. May dadalaw sa condo ko mamaya