16

YZA

Late na ako natulog pero maaga pa rin akong nagising, sobrang babaw ng naging tulog ko— ewan ko, dahil siguro hindi ako mapanatag sa mga nangyayari kaya apektado pati na body clock ko.

Kaduda-duda pa rin ako para kay Gray, mukhang kinakalawang na acting skills ko. Kailangan ko pang mas magmukhang kapani-paniwala para magtagal pa ako rito sa poder niya.

Napatitig ako sa natutulog pa rin na si Grayson na nasa kabilang side ng bed. Napakaguwapo niyang talaga, hindi ko maiwasan na mas lalong mahalina sa taglay na kisig niya.

Natutukso ako na halikan ang mga labi niya— ewan ko ba. Alam ko naman na hindi puwede, hindi ko lang talaga maiwasan kasi nga dahil sa hitsura niya.

Akma kong aangkinin ang mga labi niya ngunit napatigil ako nang may kumatok mula sa pinto.

“Sino kaya iyon? Istorbo naman,” bulong ko sa sarili. Padaskol akong pumunta sa pinto at binuksan ito, bumungad sa akin ang isang lalaking staff ng hotel na naghahatid ng almusal.

“Good morning po Ma’am,” nakangiting bati sa