CHAPTER 13

ATASHIA

Lumipas ang tatlong buwan, natatawa na lang ako sa tuwing naaalala ko ang incident sa grocery store. Buong akala ko kasi noon ay giyera ang haharapin ko, iyon pala ay mamimili lang si Ma'am Olivia kasama ang isang batalyon n'yang mga alalay.

Hanggang ngayon ay isa siya sa mga regular customers namin. Subalit madalas ay nagpapa-home delivery na lamang siya kaya hindi kami nagkikita. Marahil nakalimutan niya na rin kung sino ako at wala na rin siyang pakialam sa akin.

Sa tuwing o-order sila ng mga kailangan nila sa mansion ay si Loida ang nakakausap ng personal assistant niya kaya hanggang ngayon ay ligtas pa rin ang sikreto namin ni Lance.

Ang asawa ko naman ay madalas pa rin akong biruin dahil sa paglalayas ko ng biglaan dahil sa sobrang kapraningan ko noong araw na pumunta siya sa penthouse niya. Muntik pa silang mag-ina na magpang-abot noong sinundo ako ni Lance sa grocery store. Mabuti na lang talaga at very attentive si Loida. Agad niyang tinawagan ang mister ko bago p