Chapter 7: THIS IS MY OFFICE

"Woi! Kamukha niya iyong ex—"

Mabilis niyang tinakpan ang bibig nito Fawn. Madiin iyon kaya napaúngól ito. Napapikit naman siya na sana walang may nakakarinig rito at nakapansin sa kanilang dalawa.

Alam ni Fawn ang tungkol kay Lucas, at maging ito naisip noon na baka kamag-anak ito ng may-ari ng hospital. Pero dahil sa pangalan Luther Casimir Carterson, inisip na lang nila na baka blood related lang ng mga ito si Lucas pero hindi ganoon kalapit, kung baga nasa ibang grupo lang ng pamilya. Katulad ng ibang apelyido na sikat, ang ilan sa mga ka-apelyido ng mga ito ay hindi magkakilala.

Sobrang bilis ng tibok ng puso niya. Pakiramdam niya, dumapo lahat sa katawan niya ang iba't-ibang klaseng dahilan ng kaba dahil sa natuklasan. Inalis ni Fawn ang kamay niya sa bibig nito nang dahan-dahan at piniling manahimik.

Umalis ang Presidente sa pwesto nito at pumalit si Lucas. Curious rin siya sa sasabihin nito kung paano ito makipag-interact sa mga nanonood pero ang sabi nito. "Hi," at ang kar