Chapter Sixteen

"Ikaw nga! Ikaw pala ang boss ni Manong driver na balasubas at walanghiya?!" Dinuro-duro ko pa siya na may kasamang panlalaki ng butas ng ilong. Akalain mo nga naman na ngayong araw ko pala makikita ang lalaking maputi pero maitim ang budhi! Hindi ko alam kung blessing o malas ang mga nangyayari ngayon sa buhay ko. Pero isa lang ang alam ko, wala na siyang takas sa akin ngayon.

"What?" nakataas pa ang kilay na tanong niya. Nagmamaang-maangan pa ang herodes na ito. Masama na nga ang ugali ay sinungaling din pala. Akala niya ata ay abswelto siya, hindi! Hindi ako papayag na wala akong gagawin upang makaganti sa kanya. Ano siya 'hello'?

"Hoy, lalaking pinsan ni Taning o kapatid o ano pa man ang relasyon niyo. Bakit gusto mo akong patayin, huh? At talagang sinabi mo kay Manong na sasagasan ako? Aba, hoy, Mister! Hindi ka Diyos para magdesisyon sa buhay ko. Kung ang buhay mo kaya ang kitilin ko?" pagalit ko pa sa kanya. Kaya naman mas lalo siyang hindi nakapagsalita at tila ba ay nalunok