CHAPTER 51-FEAR

Hindi mapakali si Yesha. Simula ng umalis si Jake ay hindi niya alam kung ano ang mararamdaman. Nang magpaalam ito sa kanya matapos na maka-usap nito ang kanyang ama ay hindi ito nagbigay ng kahit na anumang detalye sa kung ano ang pinag-usapan ng mga ito. Ang tanging huling sinabi nito sa kanya ay kailangan nitong ilabas sa sarili nitong mansyon ang kanyang Papa Romualdo. Kung bakit, ay wala siyang idea.

Pilit na sumasagi sa kanyang isipan na may kaugnayan doon ang sinabi ng kanyang ama sa kanya noong bumisita siya rito kahapon.

“What does my father mean ng sabihin nito sa akin na hindi aksidente ang nangyari dito? Ano ang ibig niyang ipahiwatig? Sinadya ba ang pagkakabangga ng kanyang sasakyan kaya nasa ganoon siyang kalagayan ngayon?” hindi na alam ni Yesha ang iisipin. Hindi niya magawa na pumirme sa isang pwesto. Sa halip ay kanina pa siya pabalik-balik ng lakad sa loob ng kanyang kwarto.

Bago umalis si Jake ay naghabilin ito sa dalawang bodyguard na ini-assign nito para sa dalaw