Chapter 15

AMIRA

"UMIYAK KA ba?"

Napalunok ako at napakurap kasabay ng muling pagpatak ng aking luha. Agad ko naman itong pinunasan at akmang ilalayo ang mukha sa kanya ngunit sinapo nya ito ng dalawang malaki nyang kamay.

"Bakit ka umiiyak? Anong nangyari? May masakit ba sayo?" Nagaalalang tanong nya habang pinapalis ng kanyang daliri ang mga luha kong sunod sunod na muling pumatak.

Ang puso ko masakit na masakit. Gusto kong isagot sa kanya.

Nakakapagod nang umiyak. Masakit na ang mata ko. Pero sa tuwing naalala ko ang kataksilan ni Alvin kanina ay parang sinasaksak ng punyal ang puso ko. Kasabay ng muling pagbalong ng aking luha ay kumawala ang mga munting hikbi.

"Amira, bakit ka ba umiiyak? Sabihin mo sa akin?" Mahinahon nang tanong ni señorito Yñigo pero bakas pa rin ang pag alala sa kanyang mukha.

Umiling iling lang ako.

Kinabig naman nya ako niyakap. Sumubsob na lang ako sa kanyang dibdib at doon umiyak. Akala ko naiyak ko na lahat ng sakit at sama ng loob ko kanina kasabay ng ulan.