Chapter 7-Villa Illumina: God of Time and the Goddess of Afterlife

Kinusot ko pa ang aking mga mata dahil sa pagkalito. Hindi ko alam kung totoo ba ang nakikita ko. Anong ginagagawa ko dito sa nakaraan? Naglakad-lakad ako at napansin ko na lamparang de langis ang nagsisilbing street light dito. Napabusangot naman ako sa aking kasuotan dahil sinauna ang aking kasuotan at hindi ko alam kung paano nila natitiis ang ganito kainit na tela. Napakamot naman ako sa aking batok dahil makati sa balat ang telang pinya ng aking kasuotan.

"Naliligaw ka ata binibini? Hindi ba dapat ikaw ay nasa inyong tahanan at ikaw ay nagpapahinga na?" ang tanong ng isang lalaki.

Halos mapatalon naman ako sa aking kinatatayuan at napahawak naman ako sa aking dibdib dulot ng pagkagulat. Napaharap ako sa kanya at nakita ko ang isang nilalang na talagang napakagwapo. Puti ang kanyang kamisa de chino at kulay kape ang kanyang pantalon. Naka-bakya ito at ang kanyang buhok ay nakahawi sa iisang direksyon.  

"Patawad, binibini. mukhang nagulat yata kita. May