Kabanata 25: Furious Jade

"Aalis ka na kaagad babes? Akala ko ba ay two weeks ka pang mag-stay dito sa bahay kasama ko?" takang tanong ni Joy sa nobyo matapos nitong sabihing kailangan na nitong bumalik sa trabaho.

"Akala ko din babes eh pero kanina ay tinawagan ako ng boss ko na kailangan ko ng bumalik sa trabaho." malungkot na sagot ni Ricks sa nobya.

Ang buong akala din niya ay makakasama niya ito ng matagal ngayon dahil ang alam niya ay dalawang linggo pa mag-stay ang asawa niya sa ibang bansa pero laking gulat niya nang tinawagan siya ng kapatid niyang si Rhiya na hinahanap daw siya nito sa kanila at galit na galit ito.

Napabuntong hininga na lang siya dahil bago pa lamang silang nagsasama ni Jade ay masiyado na siyang nasasakal sa babae, palaging ang gusto nito ang nasusunod kahit ang pagbisita niya ng matagal sa pamilya niya ay ikinagagalit nito. Ibang-iba ito sa nobya niyang si Joy at malabong matutunan niya itong mahalin gaya ng sinasabi ng ama nito.

Bigla namang nakaramdam ng habag si Ricks para